買樓記

真氣結.....


近半年來最大節目就是睇樓, 已看了超過70個樓盤. 經高人指點之下, 有幾個原則一定要遵守的, 絕對不會盲目投資不動產.  用來自住的, 首要條件是不能超過年收入五倍, 一定要付三成或以上首期,擁有抗跌能力一半以上等等, 最重要當然是合心水和價錢最好比市價低一點. 要乎合以上所有條件, 真的非常困難.  當然還有其他很多因素, 景觀, 交通, 潛力等不得不考慮. 因為自住的物業根本不是資產, 所以一定要小心選擇. 一心諗住在適當時機才入市, 於是去年中開始已密鑼緊鼓四出睇樓. 高人話最緊要不停睇, 睇得多就會對整個樓市更多了解.


香港樓市真是非常特別, 股市升, 樓市升, 股市跌, 樓市都未必會跌, 加上現在的業主都很有實力, 利率低, 更加造就業主強硬心態. 政府去年出手干預, 影響的只是非常短暫, 賣家們的確停一停睇一睇, 但不夠一個月, 照升可也. 有的炒家將樓轉租, 要趕賣的都賣了, 反而令到樓盤非常缺貨, 於是賣家唯有企硬, 反價或一個仙都不減. 最近見到有賣家3-4次反價, 買方由800萬追價到900都照買, 可想而知好盤難求. 


很多時就算銀行未估到價, 很多買家都會抬錢搶樓, 因為買小見小. . 近月已不下數次遇到同類情況, 買家情願等都不會減價, 就算近日很多不利消息, 天災, 股市下滑, 加息在望.....其實最後都是供求問題, 尤其心儀地點供應真的有限. 政府推出打擊樓市措施, 其實真的要走入人群, 了解民生, 不要一窩風只抄襲其他地方政府方法.  


土地供應, 貧富分佈, 個人資產, 內地移民, 居港外籍人士等等都釀成demand > supply.  眼看過去多月樓價不段向上, 而心水盤卻買小見小, 真的無耐.  莫非個天對我太眷顧, 想樓市下滑時才讓我買到? 亦或像曾司長所說要住遠d?